سیٹ بیلٹ ، موبائل فون کی خلاف ورزی پر گاڑی روکنے پر وکلا کا ٹریفک وارڈنز پر تشدد
لاہور (92 نیوز) سیٹ بیلٹ اور موبائل فون کی خلاف ورزی پر گاڑی روکنے پر وکلا نے ٹریفک وارڈنز پر تشدد کر ڈالا اور وردی بھی پھاڑ دی۔
غالب مارکیٹ کے علاقہ جیل روڈ ظفر علی روڈ پر وارڈنز نے گاڑی چلاتے ہوئے سیٹ بیلٹ اور موبائل فون کی خلاف ورزی کرنے والوں کو روکا تو گاڑی سے وکلا نکل آئے جنہوں نے مبینہ طور پر سینئر وارڈن نعیم کو تشدد کا نشانہ بنایا اور اسٹنٹ ٹریفک رمضان کی وردی پھاڑ دی۔
سی ٹی او لاہور لیاقت ملک نے نوٹس لیتے ہوئے واقعہ میں ملوث عناصر کے خلاف قانونی کارروائی کا حکم دے دیا۔
سی ٹی او لاہور کا کہنا ہے قانون ہاتھ میں لینے والے کسی رعائت کے مستحق نہیں، پولیس کے مطابق تحقیقات شروع کر دی ہیں۔
