سینیگال کے صدر میکیسال دو روزہ سرکاری دورے پر اسلام آباد پہنچے گئے
اسلام آباد (92 نیوز) – سینیگال کے صدر میکیسال دو روزہ سرکاری دورے پر آج صبح اسلام آباد پہنچے گئے۔
وزیراعظم نواز شریف نے ہوائی اڈے پر ان کا استقبال کیا۔ مشیر خارجہ سرتاج عزیز، دفاعی پیداوار کے وزیر رانا تنویر حسین اورخارجہ سیکرٹری اعزاز احمد چوہدری بھی اس موقع پر موجود تھے۔
سینیگال کے صدر جونہی اپنے طیارے سے باہر آئے تو انہیں اکیس توپوں کی سلامی دی گئی۔
اسلام آباد میں قیام کے دوران سینیگال کے صدر پاکستانی قیادت سے ملاقاتیں کریں گے اورمختلف شعبوں میں دو طرفہ تعاون بڑھانے پر تبادلہ خیال کریں گے۔