سینیٹ : عبدالستار ایدھی کو خراج عقیدت پیش کرنیکی قرارداد متفقہ طورپر منظور
![سینیٹ : عبدالستار ایدھی کو خراج عقیدت پیش کرنیکی قرارداد متفقہ طورپر منظور](https://urdu.92newshd.tv/wp-content/uploads/2016/07/edhi-eyes.jpg)
اسلام آباد(92نیوز)سینیٹ نے عبدالستار ایدھی کو خراج عقیدت پیش کرنیکی قرارداد متفقہ طورپرمنظور کرلی۔ایدھی کو نوبل انعام دلانے کےلئے 6رکنی کمیٹی بھی قائم کردی ۔
تفصیلات کےمطابق سینیٹ کا اجلاس چیئرمین رضا ربانی کی صدارت میں ہوا جس میں مسلم لیگ ن کے سینیٹر راجہ ظفرالحق اوراعظم سواتی نے عبدالستار ایدھی کو خراج عقیدت پیش کرنیکی قرارداد پیش کی۔ ایوان نے قرارداد کو متفقہ منظورکرلیا ۔ چیئرمین رضا ربانی کاکہنا تھا کہ ہر سینیٹر اپنی جولائی کی تنخواہ میں سے 20ہزار روپے ایدھی فاﺅنڈیشن کو دیگا۔ ان پیسوں سے ایدھی فاﺅنڈیشن کےلئے 4ایمبولینسیں خرید ی جائینگی۔ چیئرمین سینیٹ نے ایدھی کو نوبل انعام دلانے کےلئے 6رکنی کمیٹی بھی قائم کردی۔