سیالکوٹ : خاتون کے ہاں بیک وقت چار بیٹوں کی پیدائش
سیالکوٹ(92نیوز)سول اسپتال سیالکوٹ میں پکا گڑھا کی رہائشی خاتون کے ہاں بیک وقت چار لڑکوں کی پیدائش ہوئی ہے ۔
تفصیلات کےمطابق سیالکوٹ کے سول اسپتال میں پکاگڑھا کی رہائشی خاتوں کے ہاں چار بیٹوں کی بیک وقت پیدائش ہوئی ہے ۔
خاتون کے ہاں اللہ تعالی نے سات سال بعد اکٹھے چار بیٹے دیئے ہیں جس سے خاندان میں خوشی کی لہر دوڑ گئی ہے ۔بچوں کے والد کا کہنا تھا کہ اللہ تعالیٰ نے اس سے پہلے مجھے دو بیٹیوں سے نوازا تھا لیکن سات برس بعد اللہ نے چار بیٹوں سے نواز کر دنیا میں ہمارے لئے خوشیوں کا سماں پیدا کر دیا ہے ۔
ڈاکٹرز کے مطابق چاروں بچوں کی صحت تسلی بخش ہے ۔