سیاسی اتحاد توڑنے سے کراچی کے مسائل حل نہیں ہونگے ، فردوس عاشق
اسلام آباد ( 92 نیوز) وزیر اعظم کی معاون خصوصی برائے اطلاعات نے کہا کہ سیاسی اتحاد توڑنے سے کراچی کے مسائل حل نہیں ہونگے ، کراچی کے مسائل کرپشن لوٹ مار اور کمیشن اتحاد توڑنے پر حل ہونگے۔
اپنے ٹویٹ پیغام میں ڈاکٹر فردوس عاشق اعوان کا کہنا تھا کہ کراچی کا اصل مسئلہ ایک دہائی سے سندھ پر مسلط کرپٹ ٹولہ ہے، جب تک کرپٹ ٹولہ رہے گا سندھ اور کراچی کی قسمت نہیں بدلے گی، ناکام سیاسی مخالفین چور دروازہ ڈھوننے اور نقب زنی کی کوشش میں ہیں۔
https://twitter.com/Dr_FirdousPTI/status/1211890146595024896
انہوں نے کہا کہ ان کی سیاہ حرکتوں کی وجہ سے پاکستان کے عوام نے ان سے سیاسی اتحاد توڑا، عوام نے پی ٹی آئی کو مینڈیٹ دیا، اتحادیوں کے ساتھ مل کرمسائل حل کریں گے۔ وزیراعظم عمران خان نے قوم کو جوڑ توڑ اور لین دین کی سیاست سے پاک کردیا۔
فردوس عاشق اعوان کا کہنا تھا کہ بلاول کو ثابت کرنا ہے کہ وہ ذوالفقاربھٹو اوربے نظیر کی عوامی سیاست کے وارث ہیں۔