سیاست میں جدت، بلاول بھٹو کا ہالو گرام ٹیکنالوجی سے بیک وقت مختلف شہروں میں خطاب
کراچی ( 92 نیوز ) سیاست میں جدت بھی متعارف کی جانے لگی ۔ بلاول بھٹو نے ہالو گرام ٹیکنالوجی کے ذریعے مختلف شہروں میں بیک وقت خطاب کیا۔
اپنے خطاب کے دوران بلاول بھٹو زرداری نے مخالفین پرکھل کر تنقید کی ۔ پی پی چیئرمین بولے خیبر پختونخوا میں تبدیلی کے دعوے جھوٹ ہیں ۔
انہوں نے مزید کہا کہ خیبر پختونخوا کی صوبائی حکومت چار سال میں ایک بھی نیا کالج نہیں بناسکی ۔ زیادتی کی شکار لڑکی کو انصاف بھی نہیں دلوا سکی ۔
بلاول بھٹو زرداری نے کارکنوں سے 5دسمبر کو اسلام آباد میں یوم تاسیس کی تقریب میں شرکت کی بھی ہدایت کی ۔