سی ڈی اے نے وفاقی دارالحکومت میں شمشان مرکز کی چار دیواری کی تعمیر کی اجازت دیدی
اسلام آباد (92 نیوز) سی ڈی اے نے وفاقی دارالحکومت میں شمشان مرکز کی چار دیواری کی تعمیر کی اجازت دے دی، رواں سال جولائی میں مختلف گروپس کی جانب سے شدید رد عمل کے بعد شمشان مرکز کی تعمیر روک دی گئی تھی۔
سی ڈی اے نے ہندو برادری کو مجوزہ جگہ کے چاروں طرف دیوار بلند کرنے کی اجازت دےدی، چار دیواری کے لیے باقاعدہ این او سی جاری کیا گیا ہے، این او سی کے مطابق سی ڈی اے بلڈنگ بائی لاز 2020 کی شق 4.1.1 کے مطابق اجازت دی گئی ہے، باؤنڈری وال کی اونچائی سات فٹ سے زیادہ نہیں ہوگی اور دیوار کی لمبائی تین فٹ سے کم نہیں ہوگی۔
سی ڈی اے ذرائع کہتے ہیں اب تک مندر اور کمیونٹی سنٹر کی عمارت کی تعمیر کے نقشے موصول نہیں ہوئے ہیں، ابھی این او سی صرف شمشان مرکز کے چاروں طرف باؤنڈری وال کی تعمیر کے لئے ہے۔