سی پیک کے پاکستانی معیشت پر مثبت اثرات سامنے آنے لگے
کراچی ( 92 نیو ز) پاک چین دوستی کی جیتی جاگتی مثال سی پیک کے منصوبے کے پاکستانی معیشت پر بھی مثبت اثرات سامنے آنے لگے۔چین کی جانب سے 9 ماہ کےدوران پاکستان میں ایک ارب 34 کروڑ ڈالرز کی سرمایہ کاری کی گئی ۔
اسٹیٹ بینک آف پاکستان کی جانب سے جاری اعداد و شمار کے مطابق گذشتہ 9 ماہ کے دوران چین نے پاکستان میں سب سے زیادہ 1 ارب 34 کروڑ ڈالر کی سرمایہ کاری کی ، جبکہ اسی عرصے 2 ارب 9 کروڑ ڈالر کی براہ راست سرمایہ کاری ہوئی ۔
اسٹیٹ بینک کے مطابق براہ راست بیرونی سرمایا کاری میں 4 اعشاریہ 4 فیصد جبکہ مجموعی بیرونی سرمایا کاری میں 69 فیصد اضافہ ہوا ۔ نو ماہ میں 4 ارب 45 کروڑ ڈالر کی مجموعی بیرونی سرمایا کاری ہوئی۔