سی ٹی ڈی کی مستونگ میں کارروائی ،5 دہشتگرد مارے گئے
کوئٹہ (92 نیوز) سی ٹی ڈی نے مستونگ کے علاقے میں کارروائی کرتے ہوئے 5 دہشتگرد مار دئے ، دہشتگرد واردات کی منصوبہ بندی کر رہے تھے ۔
سی ٹی ڈی نے بلوچستان کے علاقے مستونگ میں دہشتگردوں کے ٹھکانے پر آپریشن کیا ، اسپلنجی کیمپ میں فائرنگ کے تبادلے کے بعد پانچ مبینہ دہشتگرد ہلاک کر دیے گئے ، دہشتگردوں کا تعلق کالعدم تنظیم سے بتایا جا تا ہے ۔
ترجمان سی ٹی ڈی کے مطابق دہشتگردوں کے ٹھکانے سے اسلحہ وگولہ بارود برآمد ہوا ، دہشتگرد مختلف کارروائیوں میں مطلوب تھے۔
