سی ٹی ڈی ایم کیو ایم لندن کے دہشتگرد سلیم بیلجیئم کی گرفتاری کیلئے متحرک
کراچی (92 نیوز) ڈی آئی جی سی ٹی ڈی نے ایم کیو ایم لندن کے دہشتگرد سلیم بیلجیئم کی گرفتاری کے لیے آئی جی سندھ کو خط میں بیلجیئم حکام سے قانونی مدد کی درخواست کردی۔
ایم کیو ایم لندن کے دہشتگرد سلیم بیلجیئم کے خلاف تحقیقات میں پیشرفت سامنے آگئی۔ ڈی آئی جی سی ٹی ڈی عمر شاہد نے آئی جی سندھ مشتاق مہر کو خط لکھ دیا۔ سلیم کی گرفتاری کیلئے بیلجیئم حکام سے قانونی مدد کی درخواست کی گئی ہے۔
ڈی آئی جی سی ٹی ڈی عمر شاہد نے آئی جی سندھ کو ارسال کردہ خط میں سلیم بیلجیئم کے خلاف ثبوت بھی منسلک کردیئے۔