سی آئی آے کے افسر ریاض کے قتل میں ملوث ملزمان گرفتار

  کراچی(92نیوز)کراچی پولیس نے سی آئی اے افسر ریاض کے قتل میں ملوث ملزموں کو گرفتار کرلیا ،ملزموں کے قبضے اسلحہ بھی برآمد کرلیا گیا۔ ایس ایس پی انویسٹی گیشن ذوالفقار مہر کی جانب سے پریس کانفرنس میں بتایا گیا کہ چودہ جون کو گلستان جوہر میں قتل کئے جانے والے سی آئی اے آفسر ریاض کے قاتلوں کو گرفتار کرلیا گیا ہے ۔ ملزموں کے قبضے سے واردات میں استعمال ہونے والا اسلحہ بھی برآمد کرلیا گیا،ملزموں کی شناخت عبدالرب اور روشن علی کے  نام سے ہوئی ہے ۔ پولیس کے مطابق سی آئی اے افسر ریاض کا قتل شہزاد کوٹ میں زمین کے تنازع کا شاخسانہ ہے ۔