سکیورٹی فورسز کا ضلع خاران کے علاقے ہلمرگ میں خفیہ اطلاعات پر آپریشن ، 2 دہشتگرد ہلاک
راولپنڈی (92 نیوز) سکیورٹی فورسز نے ضلع خاران کے علاقے ہلمرگ میں خفیہ اطلاعات پر آپریشن کیا۔
آئی ایس پی آر کے مطابق سیکیورٹی فورسز نے خفیہ معلومات کی بنیاد پر ہلمرگ ضلع خاران میں آپریشن کیا۔ شہریوں، فورسز کے خلاف دہشتگردی، پرتشدد کارروائیوں میں ملوث 2 دہشتگرد ہلاک ہو گئے ۔ فائرنگ کے تبادلے میں ایف سی بلوچستان کے سپاہی فدا الرحمان شہید ہو گئے، جن کا تعلق مستوج، چترال سے تھا۔ آپریشن کے دوران بڑی تعداد میں اسلحہ اور گولہ بارود بھی برآمد کیا گیا۔
آئی ایس پی آر کے مطابق سکیورٹی فورسز مادر وطن کی حفاظت کیلئے پر عزم ہیں۔ قربانیوں سے حاصل امن کا ہر قیمت پر تحفظ کیا جائے گا۔