سپریم کورٹ میں بے نظیر کے قتل کے حوالے سے دائر درخواست خارج
اسلام آباد(92نیوز)سپریم کورٹ نے سابق وزیر اعظم بے نظیر بھٹو کے قتل کے حوالے سے جاری اقوام متحدہ کی رپورٹ پر عمل در آمد کے حوالے سے دائر درخواست پر اعتراض لگا کر خارج کردی۔
تفصیلات کے مطابق سپریم کورٹ میں جسٹس جواد ایس خواجہ کے چیمبر میں بے نظیر بھٹو قتل کی تحقیقات کرنے والے اقوام متحدہ کے کمیشن کی رپورٹ کے حوالے سے دائر درخواست پر سماعت ہوئی، درخواست گزار نے بے نظیر بھٹو کی جانب سے بیان کردہ سیاسی شخصیات کے ناموں کو بھی قتل کی تفتیش میں شامل کرنے کی استدعا کی ہے۔
تاہم عدالت نے درخواست گزار کو متاثرہ فریق نہ ہونے پر درخواست سماعت کے لیے نامنظور کردی۔
اس سے قبل رجسٹرار سپریم کورٹ کی جانب سے بھی اعتراضات عائد کیے گئے تھے۔
