سپریم جوڈیشل کونسل نے الیکشن کمیشن ارکان کیخلاف ریفرنس خارج کر دیا

اسلام آباد (92نیوز) سپریم جوڈیشل کونسل نے الیکشن کمیشن کے ارکان کے خلاف ریفرنس ناقابل سماعت قرار دے کر مسترد کر دیا ہے۔ ریفرنس دائر کرنے والے گوہر نواز سندھو کو تحریک انصاف نے اس معاملے پر سپورٹ نہیں کیا۔ تفصیلات کے مطابق سپریم جوڈیشل کونسل نے الیکشن کمیشن کے ارکان کے خلاف ریفرنس ناقابل سماعت قرار دے کر مسترد کر دیا ہے۔ گوہر نواز سندھو کے ریفرنس کو سکروٹنائز کرکے اسے ناقابل سماعت قرار دیا گیا۔ تحریک انصاف کی جانب سے الیکشن کمیشن کے ممبران کے خلاف تحقیقات کا بھرپور مطالبہ تو کیا جاتا رہا تاہم ریفرنس دائر کرنے والے گوہر نواز سندھو کو تحریک انصاف نے اس معاملے پر سپورٹ نہیں کیا اور لاتعلقی کا اظہار کیا ہے۔ ریفرنس کی درخواست میں گوہر نواز سندھو نے کہا کہ سپریم جوڈیشل کونسل چاروں صوبائی سیکرٹری الیکشن کمیشن اور مرکزی سیکرٹری الیکشن کمیشن کو عہدوں سے ہٹائے۔ ان تمام افراد کے خلاف تحقیقات کی استدعا کی گئی تھی۔ اس سے قبل گوہر نواز سندھو وزیر اعظم نواز شریف کی آرٹیکل 62 اور 63 کے تحت نااہلی کی درخواست بھی دائر کرچکے ہیں جو سپریم کورٹ مسترد کرچکی ہے۔