سونک دی ہیج ہاگ کا دوسرے ہفتے بھی باکس آفس پر قبضہ
لاس اینجلس (92 نیوز)ویڈیو گیمز کا مشہور کردارمسلسل دوسرے ہفتے بھی امریکی باکس آفس پر قابض رہا، اینی میٹڈ مووی سونک دی ہیج ہاگ نے مزید 2 کروڑ 63 لاکھ ڈالر کما لئے،فلم کی مجموعی کمائی 100 ملین ڈالر سے بھی زیادہ ہو چکی ہے۔
ویڈیو گیمز کا مشہور کردار سونک دی ہیج ہاگ شائقین کو بھاگیا ، برق رفتار نیلی مخلوق نے فلم بینوں سے مزید 2 کروڑ 63 لاکھ ڈالر بٹور لئے، مزاح سے بھرپور فلم مسلسل دوسرے ہفتے بھی امریکی باکس آفس پر پہلی پوزیشن پر قابض ہے۔
[caption id="attachment_268714" align="alignnone" width="500"] دی کال آف دی وائلڈ نے ریلیز کے پہلے ہی ہفتے 2 کروڑ 48 لاکھ ڈالر کما لئے[/caption]
پالتو کتے کے اغوا کی داستان بھی شائقین کو خوب پسند آئی ، ایڈونچرسے بھرپور ہالی وڈ فلم دی کال آف دی وائلڈ نے ریلیز کے پہلے ہی ہفتے 2 کروڑ 48 لاکھ ڈالر کما لئے، امریکی باکس آفس پر دوسرے نمبر پر براجمان ہوگئی۔
[caption id="attachment_268715" align="alignnone" width="500"] مووی برڈز آف پرے کا سیکوئیل باکس آفس پر تیسرے نمبر پر موجود[/caption]
سپرہیرو خواتین کی مقبولیت رواں ہفتے بھی برقرار رہی ، وارنر برادرز کی مووی برڈز آف پرے کا سیکوئیل باکس آفس پر تیسرے نمبر پر موجود ہے ، جس نے مزید 70 لاکھ ڈالر کی کمائی کی ہے۔