سول ہسپتال مٹھی میں غذائی قلت کے باعث مزید دو بچے چل بسے
مٹھی ( 92 نیوز ) تھر میں بھوک اور موت کا رقص جاری ہے جبکہ صوبائی اور وفاقی حکومتوں کی جانب سے کوئی خاطر خواہ اقدامات نہیں اٹھائے جا رہے ۔ سول ہسپتال مٹھی میں غذائی قلت کے شکار دو اور بچے دم توڑ گئے ۔
تھر میں تین ماہ میں غذائی قلت کے شکار 106 بچے اب تک دم توڑ چکے ہیں ۔ جبکہ ماضی میں بچوں کی اموات کی ایک طویل فہرست موجود ہے ۔
غذائی قلت کے باعث سینکڑوں بچوں کی اموات کے باوجود صوبائی اور وفاقی حکومتیں حالات پر قابو پانے کیلئے ٹھوس قدم نہیں اٹھا پائیں ۔