سوئس اسٹار نے روٹر ڈیم ٹینس ٹورنامنٹ کی ٹرافی پر قبضہ جما لیا
روٹر ڈیم (92 نیوز) سوئٹزرلینڈ کے راجر فیڈرر نے روٹرڈیم اوپن ٹینس ٹورنامنٹ جیت لیا ۔ شہرہ آفاق کھلاڑی نے فائنل میں گریگر دمترو کو مات دے دی ۔
سوئس اسٹار فیصلہ کن معرکے میں بلغاریہ کے گریگر دمترو کیخلاف میدان میں اترے ۔ روجر فیڈرر نے عمدہ کارکردگی کا تسلسل برقرار رکھا ۔ پہلا سیٹ چھ دو سے اپنے نام کیا ۔
دوسرے سیٹ میں بھی شہرہ آفاق کھلاڑی کا راج برقرار رہا اور یہ سیٹ بھی چھ دو فیڈرر نے جیتا ۔
فیڈرر نے تیسری بار روٹرڈیم اوپن ٹینس ٹورنامنٹ کی ٹرافی پر قبضہ جمایا ۔ یہ ان کے کیرئیر کا 97 واں ٹائٹل ہے ۔ فیڈرر اب تک 20 گرینڈ سلام ٹا ئٹل جیت چکے ہیں ۔