سندھ ہائی کورٹ نے فریال تالپور کی 6 روز کی ضمانت منظور کر لی
کراچی (92 نیوز) سندھ ہائی کورٹ سرکٹ بینچ نے فریال تالپور کی 6 روز کی ضمانت منظور کر لی۔ فریال تالپور کو 20 لاکھ کے مچلکے جمع کرانے کا حکم بھی دے دیا۔
ایف آئی اے نے فرال تالپور کو منی لانڈرنگ کیس میں مفرور قرار دیا تھا۔اس کے علاوہ وفاقی تحقیقاتی ادارے نے آصف علی زرداری اور انور مجید سمیت 20 ملزمان کو بھی مفرور قرار دیا تھا۔ ایف آئی اے نے عدالت میں جمع کرائے گئے عبوری چالان میں دعویٰ کیا تھا کہ تمام ملزمان کے خلاف منی لانڈرنگ کے ٹھوس شواہد موجود ہیں ۔
