سندھ پیرا میڈیکل اسٹاف کے ٹائم اسکیل پروموشن کی سمری وزیر اعلیٰ سندھ کو ارسال
کراچی (92 نیوز) سندھ پیرا میڈیکل اسٹاف کا احتجاج رنگ لے آیا۔ سیکریٹری محکمہ صحت نے مظاہرین کے ٹائم اسکیل پروموشن کی سمری وزیر اعلیٰ سندھ کو ارسال کر دی۔
سیکریٹری صحت کی جانب سے سمری ارسال کیے جانے کے بعد سندھ پیرا میڈیکل اسٹاف نے کراچی پریس کلب کے سامنے جاری احتجاج موخر کر دیا تاہم سرکاری اسپتالوں میں ہڑتال اب بھی جاری ہے ۔
سندھ پیرا میڈیکل اسٹاف کا موقف ہے ہمارے چاروں مطالبات پورے کیے جائیں بصورت دیگر 22 جنوری کو ریڈ زون کی جانب مارچ کیا جائے گا۔
