سندھ میں کورونا وائرس کے شکار مریضوں کی تعداد 76 ہو گئی ، مرتضیٰ وہاب
کراچی ( 92 نیوز ) سندھ میں کورونا وائرس کے شکار مریضوں کی تعداد 76 ہو گئی ، ترجمان سندھ حکومت مرتضیٰ وہاب نے ٹویٹر پر تصدیق کر دی ۔
اپنےٹویٹ پیغام میں ترجمان سندھ حکومت مرتضیٰ وہاب نے کہا کہ ایران سے آنے والے 50 زائرین میں کورونا وائرس کی تصدیق ہوئی ہے ، کورونا وائرس کےشکار 50افراد کےٹیسٹ کراچی میں کیے گئے۔
مرتضیٰ وہاب کے مطابق تمام افراد سکھر قرنطینہ میں مقیم ہیں۔
سندھ میں کورونا وائرس کی صورتحال تشویشناک ہو گئی ، ایران سے آنیوالے کورونا سے متاثرہ مریضوں کی تعداد 40 سے زائد ہوگئی ہے جبکہ سندھ میں کورونا کے شکار مریضوں کی تعداد 75 سے زائد ہوگئی ۔
سندھ میں کورونا وائرس سے متعلق تشویشناک صورتحال کے پیش نظر زائرین 14 دن تک تفتان سرحد پر قرنطینہ میں رہ چکے ہیں ، لیکن صوبائی وزیر سعیدغنی نے اسکریننگ کے عمل پر سوال اٹھادیا ۔
سندھ سے تعلق رکھنے والے زائرین کا سکھر میں دوبارہ ٹیسٹ لیا گیا تھا، جس کے بعد زائرین میں کورونا وائرس کی تصدیق ہوئی ۔
سکھر کے قرنطینہ میں مقیم 293 زائرین میں سے ابھی 183 کے ٹیسٹ کے نتائج آنا باقی ہیں جبکہ 600 سے زائد مزید زائرین سکھر پہنچیں گے ، سندھ میں کورونا وائرس کے شکار افراد میں 4 مریضوں کی ٹریول ہسٹری نہیں جبکہ دیگر مریض ایران، شام سعودی عرب، دبئی اور یورپ سے پاکستان پہنچے ۔