سندھ میں سی این جی اسٹیشنز دوبارہ بند، پبلک ٹرانسپورٹ نہ ہونے سے شہری خوار
کراچی ( 92 نیوز) کراچی سمیت سندھ بھر میں 6 دن بند رہنے والے سی این جی اسٹیشنز کو گیس کی فراہمی دوبارہ روک دی گئی ، صوبے کے فلنگ اسٹیشنز کو منگل کی صبح 8 بجے تک گیس کی فراہمی بند رہے گی ۔
کراچی میں گیس بندش کا بحران پھر شدت اختیار کر گیا، گزشتہ ہفتے 6 دن سی این جی اسٹیشنز بند رہے ، سڑکوں سے بسیں غائب ہونے کے باعث دفاتر اور کام پر جانے والے افراد رُلتے رہے ۔
شہر قائد کے اسٹیشنز ایک بار پھر گیس کی فراہمی بند کر دی گئی اور منگل کی صبح 8 بجے تک سی این جی اسٹیشنز بند رہیں گے ۔
رکشہ ڈرائیوروں کو بھی روزگار کی فکر ستانے لگی ، 36 گھنٹے بعد دوبارہ گیس فراہمی بند ہونے سے شہری بھی پریشان ہوگئے ۔
ترجمان سوئی سدرن کہتے ہیں گیس پریشر میں بہتری آگئی ہے ، اب صرف شیڈول کے مطابق ہی گیس بند ہوگی ۔