سندھ میں بارشوں کی تباہ کاریوں سے متاثر ہونیوالے حکومتی امداد سے محروم

کراچی ( 92 نیوز) سندھ میں بارشوں کی تباہ کاریوں کے نتیجے میں بے گھر ہونے والے لاکھوں خاندان صوبائی حکومت کی امداد سے محروم ،  پی ڈی ایم اے کا امدادی سامان بھی مستحقین کے بجائے سیاسی بنیادوں پرتقسیم کیا جانے لگا ، عمرکوٹ کے 6 لاکھ متاثرین کیلئے صرف 18ہزار راشن بیگز دئیے گئے ۔ بارشوں سے آفت زدہ سندھ میں انتظامی اہلیت کا بھی بحران  ، سیلاب اور طوفانی بارشوں کے متاثرین بے یارو مدد گار  ، عمرکوٹ اور میرپورخاص اضلاع میں 16 لاکھ متاثرہ افراد سے  بھی  امداد کے نام پر بھی غریبوں سے ہاتھ کیا جانے لگا ۔ متاثرہ علاقوں میں ایک لاکھ لوگ بے گھر ہوئے، لیکن سندھ حکومت نے صرف 36 ریلیف کیمپ قائم کئے  ، بدین اور سانگھڑ میں بھی متاثرہ سندھ واسیوں کی اذیت کم نہ ہوئی، اور سندھ حکومت نے امتحان میں ڈال دیا ۔ بارشوں سے متاثر بے گھر خاندانوں کو مناسب انتظامات نہ ہونے کی وجہ سے مچھروں کے حملوں کا بھی سامنا ہے لیکن مچھر دانیاں تک فراہم نہیں کی گئیں  ، حد تو یہ ہے کہ مبینہ طور پر غلط اور جعلی اعدادوشمار جاری کرکے پی ڈی ایم اے حکومت کو سب اچھا کی رپورٹ بھیج رہی ہے ۔