سندھ میں بااثر قیدیوں کی پیرول پر رہائی کے معاملے پر نیب نے تحقیقات شروع کر دیں
کراچی ( 92 نیوز ) سندھ میں بااثر قیدیوں کی پیرول پر رہائی کے معاملے پر نیب نے ایکشن لیتے ہوئے تحقیقات شروع کردیں ، محکمہ داخلہ سندھ نے 23 بااثر قیدیوں کی فہرست نیب کو ارسال کردی ۔
سندھ میں بااثر قیدیوں کی پیرول پر رہائی کے معاملے پر نیب حرکت میں آگیا،قیدیوں کو رہائی کیسے ملی ، تحقیقات شروع کر دی گئیں ۔
محکمہ داخلہ سندھ نے قیدیوں کی فہرست نیب کو ارسال کردی ، کرپشن سمیت دیگر کیس کے 23 بااثر قیدیوں کو رہائی ملی ۔
سندھ کے 4 سابق سیکرٹریز داخلہ نے بااثر قیدیوں کو پیرول دیا ، جن میں سے قاضی شاہد پرویز کیخلاف نیب انکوائری چل رہی ہے ، دیگر سیکریٹزداخلہ میں ہارون خان، جمال مصطفیٰ اور شکیل منگنیجو شامل ہیں ۔
بااثر قیدیوں میں حسین لوائی، انعام اکبر، منصور راجپوت، ممتازکلہوڑو
سمیت دیگر شامل ہیں ۔ حسین لوائی منی لانڈرنگ کیس میں گرفتار ہیں جبکہ انعام اکبر اور منصور راجپوت محکمہ اطلاعات سندھ میں 5 ارب 76 کروڑ روپے کرپشن کیس میں گرفتار ہیں ۔