سندھ میں 18 سال سے کم عمر 282 بچے سنگین جرائم میں ملوث نکلے
کراچی ( 92 نیوز ) سندھ میں جرائم کی وارداتوں کا خوفناک پہلو سامنے آگیا ۔ 18 سال سے کم عمر 282 بچے سنگین جرائم میں ملوث نکلے ۔ اغوا،قتل،زنا،ڈکیتی کی وارداتوں کے الزام میں جیلوں میں قید ہیں ۔
سندھ اسمبلی کو تحریری طور پربتایا گیا ہے کہ 15 سال کی عمر کے 26 ، 17 سال کے 111 قیدی مختلف جیلوں میں ہیں ۔ سنگین جرائم میں ملوث 74 قیدیوں کی عمریں 16 سال تک ہیں ۔
سندھ میں 72 بچوں پر قتل،61 پر چوری کے کیسز درج ہیں ۔ 22 بچے منشیات کے استعمال اور فروخت پر جیل میں ہیں
ڈکیتی کے الزام میں 36 ، ناجائز اسلحہ کیسز میں 3 اور زنا کے مقدمات میں چار کم عمر بچے گرفتار ہیں ۔دس قیدیوں کو سزا ہوچکی اور جو ملزم سے مجرم بن گئے ہیں ۔
کراچی تا کشمور وادی مہران میں جرائم کی وارداتیں اور ان میں بچوں کا ملوث ہونا سماج کے لیے خوفناک اور مستقبل کے لیے بڑے خطرے کی گھنٹی ہے ۔