سندھ : سرکاری اسپتال میں پہلی بار سماعت سے محروم بچے کا کامیاب آپریشن
کراچی (92نیوز) سندھ کی تاریخ میں پہلی بار سرکاری اسپتال میں سماعت سے محروم بچے کی کامیاب سرجری پر بچے کے اہل خانہ کے ساتھ ساتھ ڈاکٹرز بھی خوشی سے نہال ہو گئے۔ تفصیلات کے مطابق سندھ کو آج بڑا اعزاز حاصل ہو گیا۔ کراچی کے سب سے بڑے سرکاری اسپتال میں سماعت سے محروم بچے کا کامیاب آپریشن کیا گیا۔
کیماڑی کے چار سالہ مفیز کی سرجری میں سول اسپتال اور ڈاو یونیورسٹی کے پروفیسرز نے حصہ لیا۔ تین گھنٹے کی جدوجہد کے بعد کامیاب آپریشن پر متاثرہ بچے اور ڈاکٹروں کی خوشی دیدنی تھی۔
آپریشن میں شریک ای این ٹی سرجن پروفیسر عمر فاروق کا کہنا ہے کہ پاکستان میں سماعت سے محروم افراد کی کلر امپلانٹ پر نجی اسپتال میں 14 لاکھ روپے خرچہ آتا ہے مگر سرکاری سطح پر یہ پہلی مرتبہ فری کیا گیا۔ آپریشن کرنے والے ڈاکٹروں میں پروفیسر عمر فاروق، ڈاکٹر آصف حفیظ، ڈاکٹر اقبال، ڈاکٹر یاسر اور ڈاکٹر نجم شامل ہیں۔
آپریشن میں شریک ای این ٹی سرجن پروفیسر عمر فاروق کا کہنا ہے کہ پاکستان میں سماعت سے محروم افراد کی کلر امپلانٹ پر نجی اسپتال میں 14 لاکھ روپے خرچہ آتا ہے مگر سرکاری سطح پر یہ پہلی مرتبہ فری کیا گیا۔ آپریشن کرنے والے ڈاکٹروں میں پروفیسر عمر فاروق، ڈاکٹر آصف حفیظ، ڈاکٹر اقبال، ڈاکٹر یاسر اور ڈاکٹر نجم شامل ہیں۔
