سندھ حکومت نے مساجد سے آمدن، ملکیت اور اخراجات کی تفصیل طلب کرلی
کراچی ( 92 نیوز) سندھ حکومت نے صوبے کی تمام مساجد سے آمدن،ملکیت اور اخراجات کی تفصیل طلب کرلیں ،ہر مسجد کو فنڈنگ کے طریقہ کار اور اکاونٹس کی تفصیلات بھی دینا ہوں گی ۔
ایف اے ٹی ایف کی شرائط کے باعث مساجد کے منتظمین سے بھی حساب کتاب کی تفصیلات طلب کر لی ، محکمہ اوقاف سندھ نے تمام مساجد کو ایک صفحے پر مشتمل سوالنامہ ارسال کردیا۔
ہر مسجد کو آمدنی کے زرائع ،جمعہ کو ہونےوالے چندے ، مسجد کی زیر ملکیت دکانوں کا بتانا ہوگا ، مساجد کے منتظمین سے پوچھا گیا ہے کہ فنڈنگ کے زرائع اور اخراجات کی تفصیل کیا ہے ۔
محکمہ اوقاف کے سوالنامے پر آئمہ مساجد نےردعمل میں کہا ہےکہ اسلام وملک دشمن اقدامات
کیے جارہےہیں۔