سندھ حکومت اپنے کلین وزرا کی وجہ سے آئی جی کو فارغ کرنے کی جلدی میں ہے ،حلیم عادل
کراچی (92 نیوز) پاکستان تحریک انصاف کے رہنما حلیم عادل شیخ نے کہا کہ سندھ حکومت اپنے کلین وزراء کی وجہ سے آئی جی سندھ کو فارغ کرنے کی جلدی میں ہے ۔
کراچی میں گفتگو کرتے ہوئے رہنما پاکستان تحریک انصاف کا کہنا تھا کہ سندھ حکومت نے ایک اور غیر قانونی کام کیا ہے ، سندھ حکومت کو کیا خوف و خدشہ ہے ، سندھ کابینہ کے دو ارکان کا کچا چٹھہ سامنے آچکا ہے ، انہیں خدشہ ہےکہ مزید نہ بےنقاب ہوجائیں،آئی جی سندھ کےلیےکسی نام پر ہمیں اختلاف نہیں۔
حلیم عادل شیخ کا مزید کہنا تھا کہ ہمارا اعتراض طریقہ کار پر ہے ، کل سندھ حکومت نے عدالت میں کہا کہ ہم وفاق کی مشاورت کا انتظار کر رہے ہیں ۔