سندھ ایجوکیشن فاؤنڈیشن میں گھوسٹ اسکولوں کیخلاف اینٹی کرپشن کی انکوائری مکمل
کراچی (92 نیوز) سندھ ایجوکیشن فاؤنڈیشن میں گھوسٹ اسکولوں کیخلاف اینٹی کرپشن کی انکوائری مکمل کر لی گئی۔ 18 اسکول مالکان نے رقم واپس کرنے سے انکار کر دیا جن کیخلاف اینٹی کرپشن نے مقدمات درج کرنے کی سفارش کر دی۔
محکمہ اینٹی کرپشن نے انکوائری رپورٹ چیف سیکریٹری کو ارسال کر دی۔
رپورٹ میں بتایا گیا کہ گھوسٹ اسکول مالکان 4 کروڑ 7 لاکھ روپے واپس کرنے کیلئے تیار نہیں جن کیخلاف مقدمہ درج کرنے کی اجازت دی جائے۔
محکمہ اینٹی کرپشن کی رپورٹ میں بتایا گیا کہ 12 گھوسٹ اسکول مالکان نے صرف 34 لاکھ روپے کے چیک جمع کروائے ہیں۔
