سلامتی کونسل کشمیر و دیگر تنازعات کے حل میں ناکام ، طیب اردوان
استنبول(ویب ڈیسک )ترکی کے صدر رجب طیب اردوان نے کہا ہے کہ اقوام متحدہ کی سلامتی کونسل کو اسرائیل کی طرف سے کی گئی ہربات کو قبول نہیں کرنا چاہئے ۔
اقوام متحدہ کی جنرل اسمبلی کے اجلاس میں شرکت کیلئے امریکہ جانے سے قبل استنبول میں پریس کانفرنس کرتے ہوئے ترک صدر کا کہنا تھا کہ دنیا صرف پانچ ملکوں کا نام نہیں، انسانیت پورے کرہ ارض پرپھیلی ہوئی ہے مگر یہ افسوسناک امر ہے کہ سلامتی کونسل میں صرف ان پانچ ملکوں کی بات مانی جاتی ہے جنہیں ویٹو کی طاقت حاصل ہے ۔