سعید غنی کے الزامات پر فہمیدہ مرزا کا اسپیکر سندھ اسمبلی کو خط
کراچی (92 نیوز) سعید غنی کے الزامات پر وفاقی وزیر فہمیدہ مرزا نے اسپیکر سندھ اسمبلی کو خط لکھ دیا۔
فہمیدہ مرزا کہتی ہیں سعید غنی نے آئینی ادارے کی ساکھ کو نقصان پہنچانے کی کوشش کی۔ سعید غنی نے مجھے بدنام کرنے کی کوشش کی۔ وزیراعلیٰ سندھ کی موجودگی میں کہا گیا میں نے مشترکہ مفادات کونسل میں ٹمپرڈ رپورٹ جمع کرائی۔
وفاقی وزیر نے کہا کہ سعید غنی کے الزامات بے بنیاد، غیر آئینی اور غلط ہیں۔ اسپیکر سندھ اسمبلی بطور نگران آئندہ ایسے غیر ذمہ دارانہ بیانات کی روک تھام کریں۔ آئینی اداروں کو سیاست کے ہاتھوں یرغمال نہیں بنانا چائیے۔
