سعودی عرب کا 10 اگست سے بیرون ممالک کے زائرین کیلئے عمرہ سیزن شروع کرنیکا اعلان

ریاض (92 نیوز) سعودی عرب کا 10 اگست سے بیرون ممالک کے زائرین کے لئے عمرہ سیزن شروع کرنے کا اعلان کیا ہے جبکہ پاکستان سمیت دیگر نو ممالک کے زائرین فی الحال عمرہ کے لئے سعودی عرب نہیں پہنچ سکیں گے۔

سعودی عرب کی وزارت حج و عمرہ نے کہا کہ دس اگست سے عمرہ سیزن شروع کیا جا رہا ہے، بیرون ممالک سے آنے والے عمرہ زائرین کو کورونا وائرس سے بچاؤ کے ایس او پیز پر عمل کرنا ہوگا، جس میں ویکسین کا لگوانا پہلی شرط ہے۔

سعودی وزارت حج و عمرہ کا کہنا ہے، پاکستان سمیت دیگر نو ممالک جن میں انڈیا، بنگلہ دیش، انڈونیشیا، برازیل، ترکی، مصر، ساؤتھ افریقہ، لبنان، کے زائرین پر بدستور پابندی عائد رہے گی، تاہم پاکستان سے عمرہ زائرین کسی دوسرے ملک میں چودہ روزہ قرنطینہ گزارنے کے بعد سعودی عرب پہنچ کر عمرہ کی سعادت حاصل کر سکیں گے۔