سعودی عرب فوج بھیجنا اعزاز کی بات ہوگی:فضل الرحمان

اسلام آباد(92نیوز)جمعیت علمائے اسلام ف کے سربراہ مولانا فضل الرحمن کا کہنا ہے کہ پاکستان کے لئے  سعودی عرب فوج بھیجنا اعزاز کی بات ہو گی ۔ تفصیلات کے مطابق جمعیت علمائے اسلام ف کے سربراہ مولانا فضل الرحمن نے اسلام آباد میں حرمین شریفین کانفرنس سے خطاب کرتے ہوئے کہا کہ یمن تنازعے کو مختلف رنگ دیئے جا رہے ہیں۔ ماضی میں افغانستان میں قائم ہونے والی طالبان حکومت کو بھی پاکستان نے تسلیم کیا تھااب سعودی عرب فوج بھیجنا پاکستان کے لئے کسی بڑے اعزاز سے کم نہیں ہو گا۔ حرمین شریفین کانفرنس کے اختتام پر متفقہ اعلامیہ بھی جاری کیا گیا۔ جس میں کہا گیا کہ سعودی عرب اور حرمین شریفین کی حفاظت کے لئے کسی قربانی سے دریغ نہیں کیا جائے گا۔