سعودی ائیر ڈیفنس فورسز نے حوثی باغیوں کا بیلسٹک میزائل حملہ ناکام بنا دیا

ریاض (92 نیوز) سعودی ائیر ڈیفنس فورسز نے حوثی باغیوں کی جانب سے بیلسٹک میزائل کا حملہ ناکام بنا دیا۔ عرب میڈیا کے مطابق حوثیوں نے سعودی شہر خمیس مشیت پر دو بیلسٹک میزائل داغے۔ سعودی ائیر ڈیفنس فورسز نے ایک میزائل فضا میں ہی تباہ کر دیا جبکہ دوسرا میزائل نشانے پر پہنچنے سے قبل ہی ریگستان میں گر گیا۔ رواں ماہ یمن کے حوثی باغیوں کی جانب سے سعودی عرب پر یہ دوسرا بیلسٹک میزائل حملہ ہے ۔ اس سے قبل نجران شہر کو نشانہ بنایا گیا تھا۔