سعد رضوی اور ٹی ایل پی کارکنوں کیخلاف 40 مقدمات واپس لینے کا فیصلہ
لاہور (92 نیوز) حکومت اور تحریک لبیک پاکستان کے درمیان معاہدے میں اہم پیش رفت سامنے آگئی، سربراہ ٹی ایل پی سعد رضوی اور کارکنوں کے خلاف 40 مقدمات واپس لینے کا فیصلہ کرلیا گیا۔
ذرائع کے مطابق 3 یا 3 سال سے کم سزاؤں والے 20 مقدمات واپس لئے جائیں گے۔ دوسرے مرحلے میں 5 سال یا اس سے کم سزاؤں والے مقدمات واپس لئے جائیں گے۔
پنجاب حکومت نے مقدمات واپس لینے سے متعلق اقدامات شروع کردئیے، ذرائع محکمہ داخلہ پنجاب کے مطابق سعد رضوی کے خلاف مقدمات کو قانونی طریقے سے دیکھا جارہا ہے۔