سری لنکا کورونا وباء سے جاں بحق مسلمانوں کی میتوں کی تدفین پر رضامند ہو گیا
اسلام آباد (92 نیوز) سری لنکا کورونا وباء سے جاں بحق مسلمانوں کی میتوں کی تدفین پر رضا مند ہو گیا۔ سری لنکن حکومت نے پاکستانی استدعا پر ہمدردانہ غور کرتے ہوئے نوٹیفکیشن جاری کر دیا۔
پاکستانی قیادت نے سری لنکن مسلمانوں کیلئے آواز اٹھائی اور سری لنکا سے کورونا کا شکار مسلمانوں کی میتیں نہ جلانے کی استدعا کی جو منظور کر لی گئی۔ سری لنکن حکومت نے پاکستانی استدعا پر ہمدردانہ غور کرتے ہوئے نوٹیفکیشن جاری کر دیا۔
میں سری لنکن
حکومت کی جانب سے کوروناء (COVID-19) سے انتقال کر جانے والوں کی تدفین کی
اجازت کے سرکاری فرمان (آفیشیل نوٹیفکیشن) کے اجراء کا خیر مقدم کرتا ہوں
اور اس پر سری لنکن قیادت کا شکر گزار ہوں۔
وزیراعظم عمران خان نے ٹوئٹ میں سری لنکن حکومت کے سرکاری نوٹیفکیشن کا خیرمقدم کیا اور کہا کہ کورونا سے جاں بحق افراد کی تدفین کی اجازت دینے پر سری لنکن قیادت کا شکرگزار ہوں۔ وزیر خارجہ شاہ محمود قریشی نے بھی ٹوئٹ میں سری لنکن قیادت کا شکریہ ادا کیا اور تصدیق کی کہ اب کورونا وباء سے انتقال کرنے والے مسلمانوں کی تدفین کی جا سکے گی۔
Pakistan is
grateful to the leadership of Sri Lanka for allowing the option of
burial for victims of #Covid19.
Indeed it is these very principles of mutual understanding, respect and
humanity that bring relationships to thrive and prosper. 🇵🇰 🇱🇰
https://t.co/wdUZzaaUVT
وزیر مذہبی امور نور الحق قادری نے اپنے بیان میں کہا کہ وزیر اعظم عمران خان کی درخواست پر سری لنکن حکومت نے اپنی مسلم آبادی کا دیرینہ مطالبہ مان لیا۔ سری لنکا کی اسلامی تنظیمیں کافی عرصہ سے اپنی مذہبی عقائد کے مطابق تدفین کا مطالبہ کررہی تھیں۔ سری لنکا میں کورونا وباء کے دوران جاں بحق ہونے والے مسلمانوں کی میتوں کو جلایا جارہا تھا۔ وزیر اعظم کو مسلم امہ کے جذبات کی بہترین ترجمانی کرنے پر خراج تحسین پیش کرتے ہیں۔
وزیراعظم کے نمائندہ خصوصی برائے مذہبی ہم آہنگی طاہر اشرفی نے اپنے بیان میں کہا کہ وزیر اعظم پاکستان کے کہنے پر سری لنکا نے مسلمانوں کی میتیں دفنانے کی اجازت دے دی۔ وزیر اعظم پاکستان نے یہ مسئلہ حل کرا کے عالم اسلام کا عظیم رہنما ہونے کا ثبوت دیا ہے۔
