سرتاج عزیز نے حریت رہنماؤں سے ملاقات کی تو مذاکرات نہیں ہونگے : بھارتی وزیر خارجہ
![سرتاج عزیز نے حریت رہنماؤں سے ملاقات کی تو مذاکرات نہیں ہونگے : بھارتی وزیر خارجہ](https://urdu.92newshd.tv/wp-content/uploads/2015/07/sushma-swaraj-confn-PTI_0_0_1_1_0_0.jpg)
نئی دہلی(92نیوز) بھارت نے مذاکرات سے پہلے پاکستان کے سامنے شرائط رکھ دیں بھارتی وزیر خارجہ سشما سوراج کا کہنا ہے کہ سرتاج عزیز نے حریت رہنماؤں سے ملاقات کی تو بھارت مذاکرات نہیں کرے گا ،، مذاکرات صرف دہشت گردی کے مسئلہ پر ہوں گے۔
تفصیلات کےمطابق بھارتی سرکار کی ضدی بچے جیسی ضد برقرار
کشمیر فوبیا میں مبتلا بھارت مذاکرات سے پھر بھاگنے لگا
نئی دہلی میں پریس کانفرنس کرتے سشما سورا ج نے مذاکرات سے پہلے پاکستان کے سامنے شرائط رکھ دیں ،،کہنے لگیں سرتاج عزیز کشمیری قیادت سے ملیں گے توپھر مذاکرات نہیں ہوں گے اور صرف دہشت گردی پر بات ہو گی ۔
بھارتی وزیر خارجہ نے تسلیم کیا کہ کشمیر متازع علاقہ ہے اور پاک بھارت جامع مذاکرات کے ایجنڈے میں شامل ہے ۔
سشما سوراج نے کشمیری قیادت کو تیسرا فریق مانتے ہوئے ضد کئے رکھی کہ حریت رہنما مذاکرات میں شا مل نہیں ہو سکتے۔
سشما سوراج کی پریس کانفرنس قیاس آرائیوں اور الزام تراشیوں کا مجموعہ تھی جس میں وہ جذباتی ہو کر یہاں تک کہہ گئیں کہ پاکستان مذاکرات کرنا ہی نہیں چاہتا ،،
اسلام آباد پر مذاکراتی عمل سبوتاژ کرنے کا تمام ملبہ ڈالتے ہوئے بھارتی وزیر خارجہ نے آخر میں یہ دھمکی بھی دے ڈالی کہ پاکستان مذاکرات کرنا چاہتا ہے تو آج رات تک آگا ہ کر دے ورنہ بھارت کی طرف سے صاف جواب ہے۔