سانحہ گولیمار میں جاں بحق ہونیوالے 7افراد کی شکار پور میں نما زجنازہ ادا
شکار پور ( 92 نیوز) کراچی میں سانحہ گولیمار میں عمارت گرنے سے جاں بحق ایک ہی خاندان کے 7 افراد کی نماز جنازہ شکار پور میں ادا کردی گئی۔
سانحہ گولیمار میں رہائشی عمارت گرنے کے افسوسناک واقعے میں جاں بحق میاں بیوی، 2 بیٹے اور 3 بیٹیوں کی میتیں آج صبح شکار پور پہنچائی گئیں تھیں، جہاں پولیس ہیڈ کوارٹر گراؤنڈ میں اجتماعی نماز جنازہ ادا کردی گئی ۔
نماز جنازہ میں رشتے داروں اور علاقہ مکینوں کی بڑی تعداد نے شرکت کی جس کے بعد جاں بحق افراد کو مقامی قبرستان میں سپردخاک کردیا گیا ۔
میتیں شکار پور پہنچنے کے بعد علاقے میں سوگ کا عالم تھا اور کاروبار بھی بند کردیا گیا تھا ۔