سانحہ سیہون شریف کے دو مجرموں کو موت ،ایک کو عمر قید کی سزا
کراچی ( 92 نیوز) انسداد دہشتگردی کی خصوصی عدالت نے سانحہ سیہون شریف کے دو مجرموں کو موت کی سزا سنا دی ۔
کراچی کی انسداد دہشتگردی کی خصوصی عدالت میں سانحہ سیہون شریف کی سماعت ہوئی ، دالت نے دو مجرموں کو سزائے موت کا حکم دے دیا جبکہ ایک مجرم نادر کو دھماکہ خیز مواد رکھنے کے جرم میں عمر قید بھی سنا دی ۔
پولیس افسر نے عدالت کو بتایا کہ مجرموں کی شناخت سی سی ٹی وی سے ہوئی جبکہ مجرم نادر علی کے قبضے سے دھماکہ خیز مواد بھی برآمد ہوا ، مجرموں نے ایک دن پہلے خود کش حملہ آور کیساتھ ریکی کی ۔
سانحہ سیہون شریف میں 82 افراد جاں بحق جبکہ 383 زخمی ہوئے تھے ۔
سی سی ٹی وی فوٹیج میں دونوں مجرم خود کش حملہ آور کے ساتھ دیکھے گئے تھے ، مجرموں نے مجسٹریٹ کے روبرو اعتراف کیا تھا جبکہ انسداد دہشت گردی میں جوڈیشل مجسٹریٹ نے مجرمان کو شناخت کیا تھا ۔