سانحہ ساہیوال میں قتل ہونیوالے خلیل کے گھر کی فضا چوتھے دن بھی سوگوار

لاہور ( 92 نیوز) سانحہ ساہیوال کے بعد کوٹ لکھپت اسماعیل نگر  کے علاقہ طارق آباد کی فضا چوتھے روز بھی سوگوار  ہے اور ہر آنکھ اشک بار  ہے۔   لواحقین کا کہنا ہے کہ  اگر جے آئی ٹی کی رپورٹ نہ مثبت آئی تو وہ ایک بار پھر سے احتجاج  کریں گے۔ سانحہ ساہیوال کےمقتولین کے ورثانے  جے آئی ٹی کی رپورٹ آنےسے قبل ہی تحفظات کا اظہار کر دیا ، ورثا کا کہنا تھا کہ   اگر انصاف نہ ہوا تو سڑکوں پر آئیں گے ۔ سانحہ ساہیوال کے عینی شاہدین بھی اظہار تعزیت کیلئے جاں بحق ہونے والوں کے گھرپہنچے ، ان کا کہنا تھا کہ  تمام تر سانحہ اپنی آنکھوں سے دیکھا تھا پولیس نے نہتے لوگوں پر گولیاں برسائیں ۔