سانحہ ساہیوال میں بے گناہوں کو مارنے والوں کے نام سامنے آگئے
لاہور ( 92 نیوز)سانحہ ساہیوال میں بے گناہوں کو مارنے والوں کے نام سامنے آگئے ۔ سی ٹی ڈی ٹیم کی سر براہی سب انسپکٹر صفدر نے کی ۔
شادی پر جانے والے اہلخانہ پر اندھا دھند فائرنگ کرنے والی ٹیم کے دیگر اہلکاروں میں احسن ،رمضان ، سیف اور حسنین شامل ہیں ۔
دوسری جانب سانحہ پر حکومت کی جانب سے بنائی گئی جے آئی ٹی نے سی ٹی ڈی ٹیم کے سربراہ صفدر سے پوچھ گچھ کی ۔
جے آئی ٹی کی جانب سے پوچھا گیا کہ گاڑی روکنے کے باوجود نہتے افراد پر فائرنگ کیوں کی گئی ، ٹیم نے دیگر اہلکاروں کے بیانات بھی قلمبند کر لیے۔