سانحہ اے پی ایس پر سیاسی و سماجی شخصیات کا غم کا اظہار
اسلام آباد (92 نیوز) سانحہ اے پی ایس پر سیاسی و سماجی شخصیات نے غم کا اظہار کیا۔
وزیراعظم عمران خان نے کہا آج کا دن پوری قوم کو کربناک سانحے کی یاد دلاتا ہے۔ وقت نے ثابت کیا آرمی پبلک اسکول کے شہداء کی قربانیاں رائیگاں نہیں گئیں۔
دہشتگرد 16دسمبر 2014 کو پشاورکےآرمی پبلک سکول پر حملہ آورہوئےاور 132 بچوں سمیت 140 لوگوں کوشہید کیا۔پاکستان نےکامیابی سےدہشتگردی کو پچھاڑا۔میں اپنا عزم دہراتا ہوں کہ غازیوں اورشہیدبچوں کےوالدین کو مایوس نہیں کریں گے۔ تشدد اور اسےبطورہتھیار برتنے والوں کیلئےبالکل کوئی گنجائش نہیں۔
— Imran Khan (@ImranKhanPTI) December 16, 2021
وزیراعلی پنجاب عثمان بزدار، اپوزیشن لیڈر شہبازشریف، آصف زرداری اور دیگر سیاسی رہنماؤں کا دل بھی سانحہ اے پی ایس کی برسی پر رنجیدہ ہے۔
عثمان بزدار نے آرمی پبلک اسکول پشاور کے شہداء کی برسی پر پیغام میں کہا 16 دسمبر کا دن آرمی پبلک اسکول کے شہداء کی عظیم قربانیوں کی یاد ہمیشہ تازہ کرتا رہے گا۔ شہید بچے اور اساتذہ پوری قوم کے ہیرو ہیں۔
