ساؤتھمپٹن ٹیسٹ کا تیسرا روز بھی بارش کی نذر
ساؤتھمپٹن ( 92 نیوز) ساؤتھمپٹن ٹیسٹ میں بارشوں کی اننگز تیسرے دن بھی جاری رہی ، پاک انگلینڈ ٹیسٹ میچ کا تیسرا دن بغیر کھیل کے ہی ختم ہو گیا ، میچ کے پہلے دو روز بھی بارش اور کم روشنی سے متاثر رہے ، پاکستان ٹیم نے پہلی اننگز میں 9 وکٹوں پر 223 رنز بنا رکھے ہیں۔
ساؤتھمپٹن ٹیسٹ میں پاکستان نے ٹاس جیت کر بیٹنگ کا فیصلہ کیا ، پاکستان کی جانب سے شان مسعود نے ایک ، عابد علی نے 60 ، کپتان اظہر علی نے 20 ، بابر اعظم نے 47 ، اسد شفیق نے 5 رنز بنائے ۔
گیارہ سال کے بعد ٹیسٹ میچ کھیلنے والے فواد عالم بغیر کوئی رنز بنائے پویلین لوٹ گئے ، یاسر شاہ نے 5 ، شاہین شاہ آفریدی نے صفر ، محمد عباس نے دو رنز بنائے ۔
اس وقت ساتویں نمبر پر بلے بازی کرنیوالے وکٹ کیپر بلے باز محمد رضوان 60 اور گیارہویں نمبر پر آنیوالے نسیم شاہ ایک رنز کے ساتھ کریز پر موجود ہیں ۔