سابق کرکٹر شعیب اختر کی والدہ انتقال کرگئیں
اسلام آباد (92 نیوز) سابق کرکٹر شعیب اختر کی والدہ انتقال کرگئیں، سابق فاسٹ باؤلر نے ٹویٹ میں تصدیق کی۔
میری والدہ محترمہ رضائے الٰہی سے وفات پا گئ ہیں - انا للہ وانا الیہ راجعون۔
— Shoaib Akhtar (@shoaib100mph) December 25, 2021
نماز جنازہ H-8 میں بعد نماز عصر ادا کی جائے گی۔
My mother, my everything, with the will of Allah taala, has left for heavenly abode.
Namaz e janaza will be in H-8 after Asar Prayers.
شعیب اختر کی والدہ کی نمازجنازہ آج بعد نماز عصر اسلام آباد کے سیکٹر ایچ ایٹ میں ادا کی جائے گی۔
وفاقی وزیر ریلوے نے سابق کرکٹر شعیب اختر کی والدہ کے انتقال پر اظہار افسوس کیا۔ اعظم خان سواتی نے کہا کہ شعیب اختر کی والدہ کے انتقال کی خبر سن کر دلی افسوس ہوا۔
وزیراعظم کے معاون خصوصی برائے سیاسی ابلاغ ڈاکٹر شہباز گل نے سٹار کرکٹر شعیب اختر کی والدہ کے انتقال پر اظہار تعزیت کرتے ہوئے کہا ماں جیسی عظیم ہستی کا بچھڑ جانا دنیا کا سب سے بڑا غم ہے۔
وزیراعلیٰ پنجاب عثمان بزدار نے سابق فاسٹ باؤلرشعیب اختر کی والدہ کے انتقال پر گہرے دکھ اور افسوس کا اظہار کیا اور سوگوار خاندان سے دلی ہمدردی و اظہار تعزیت کی۔
