سابق ڈی جی ایل ڈی اے احد چیمہ کے جوڈیشل ریمانڈ میں 13 جون تک توسیع
لاہور ( 92 نیوز) احتساب عدالت میں سابق ڈی جی ایل ڈی اے احد چیمہ کے خلاف آمدن سے زائد اثاثہ جات کیس پر سماعت ہوئی ، عدالت نے احد چیمہ کے جوڈیشل ریمانڈ میں 13 جون تک توسیع کر دی ۔
احد چیمہ کو کیمپ جیل سے احتساب عدالت لاہور میں پیش کیا گیا ، ملزم کے وکیل نے پٹواری کے بیانات پر جرح مکمل کی ۔ عدالت میں آج کل پانچ گواہان پیش ہوئے ، عدالت نے دیگر گواہان کو آئندہ سماعت پر ریکارڈ سمیت دوبارہ طلب کرلیا۔
عدالت میں اب تک 20 گواہان اپنے بیان قلمبند کروا چکے ہیں ۔ نیب پراسیکیوٹر کے مطابق ملزم احد چیمہ نے اندرون و بیرون ممالک اربوں روپے کے ناجائز اثاثہ جات بنائے ، احد چیمہ کے اثاثہ جات کی مالیت قریب 600 ملین ہے ۔