سابق وفاقی وزیر احسن اقبال کے بھائی مصطفیٰ کمال کے خلاف تحقیقات شروع
اسلام آباد (92 نیوز) نیب نے سابق وفاقی وزیر احسن اقبال کے بھائی مصطفیٰ کمال کے خلاف بھی تحقیقات شروع کر دی۔
نیب نے مصطفی کمال کو آمدن سے زائد اثاثہ جات اور مختلف ٹھیکے لینے کے الزام میں طلب کیا ۔ 92 نیوزکو موصول دستاویز کے مطابق مصطفی کمال کو منگل 28 جنوری کو نیب راو لپنڈی دفتر میں طلب کیا گیا ۔ نیب نے راولپنڈی ڈویلپمنٹ اتھارٹی سے میٹرو کی مد میں دئیے جانے والے ٹھیکوں کی تفصیلات بھی طلب کی ہیں ۔
ذرائع کےمطابق احسن اقبال کے بھائی نے میٹرو کے منصوبے میں بھی ٹھیکے کئے تھے۔ مصطفی کمال پر ٹھیکوں کی مد میں قومی خزانے کو نقصان پہنچانے کا الزام ہے ۔