سابق صوبائی وزیر رانا ثناء اللہ کے خلاف بھی نیب کا شکنجہ تیار
لاہور (92 نیوز) مسلم لیگ ن کے ایم این اے رانا ثنا اللہ کے خلاف بھی نیب نے شکنجہ تیار کر لیا۔ فیصل آباد میں پل کی تعمیرمیں بے ضابطگیوں کی تحقیقات شروع کئے جانے کا امکان ہے۔
ذرائع کے مطابق رانا ثناء اللہ پر فیصل آباد میں کینال روڈ پر بننے وال پل کی تعمیر میں بے ضابطگیوں کا الزام ہے۔ پل کا ڈیزائن تبدیل کر کے سستی زمینوں کو مہنگے داموں بیچا گیا۔
ذرائع کا کہنا ہے کہ نیب رانا ثناء اللہ کے خلاف شکایات کی تصدیق کر چکا ہے۔ اس دوران اپوزیشن لیڈر پنجاب اسمبلی حمزہ شہبازکی نیب کی جانب سے گرفتاری کی صورت میں مسلم لیگ ن پنجاب کی قیادت تبدیل ہونے کا امکان ہے۔
ذرائع کے مطابق حمزہ شہباز کو گرفتار کیا گیا تو رانا تنویر مسلم لیگ ن پنجاب کی قیادت کے مضبوط ترین امیدوار ہوں گے۔
مسلم لیگ ن میں ایک گروپ کا خیال ہے کہ حمزہ اور شہباز شریف کے مؤقف سے پارٹی کو نقصان پہنچا، یہ گروپ نواز شریف کے مؤقف کودرست سمجھتا ہے۔