زمبابوے کے صدر کیخلاف مواخذے کی تحریک آج پیش کی جائیگی
ہرارے (92 نیوز) زمبابوے کے صدر رابرٹ موگابے کے خلاف مواخذے کی تحریک آج پیش کی جائے گی۔
غیر ملکی میڈیا کے مطابق مواخذے کی تحریک کی منظوری کے لیے پارلیمنٹ سے سادہ اکثریت کی حمایت درکار ہو گی۔ اس کے بعد ایک تحقیقاتی کمیٹی اپنی رپورٹ پارلیمنٹ کے دونوں ایوانوں کو پیش کرے گی۔
موگابے کو عہدے سے ہٹانے کے لیے ضروری ہو گا کہ دونوں ایوان تحریک کو دو تہائی اکثریت سے منظور کریں۔
تحریک کو کامیاب بنانے کیلئے دیگر جماعتوں سے بھی رابطے شروع کردئیے گئے ہیں۔
