زمبابوے کی سکیورٹی ٹیم بہت جلد پاکستان کا دورہ کریگی

لاہور(سپورٹس ڈیسک)پاکستان کرکٹ بورڈ کے چیئرمین شہریارخان نے کہا ہے کہ زمبابوے کی ٹیم اگلے مہینے کے وسط کے بعد پاکستان کا دورہ کریگی اور زمبابوے کی سکیورٹی ٹیم بھی پاکستان میں سکیورٹی انتظامات کے جائزے کیلئے بہت جلد دورہ کریگی۔ پریس کانفرنس سے خطاب کرتے ہوئے شہریارخان کا کہناتھا کہ زمبابوے کی ٹیم کو فول پروف سکیورٹی دی جائے گی ۔ پاکستان میں بین الاقوامی کرکٹ کے دروازے آہستہ آہستہ کھل رہے ہیں زمبابوےکو کینیا میں دی جانے والی سکیورٹی سے بہتر سکیورٹی دیں گے ۔ ان کا مزید کہنا تھا کہ وہ کل بنگلہ دیش کے دورہ پر جارہے ہیں اور وہاں پر پاکستانی ٹیم کے کپتان ،کوچ اور مینجر سے ملاقاتیں کرینگے۔ شہریارخان نے کہا کہ ملک میں ڈومیسٹک کرکٹ کو فروغ دینے کےلئے پی سی بی بہترین منصوبہ بندی اور حکمت عملی طے کرے گا۔