زمبابوے کرکٹ ٹیم کا دورہ پاکستان: سکیورٹی انتظامات کا جائزہ لینے 4رکنی وفد لاہور پہنچ گیا
لاہور (92نیوز) دورہ پاکستان کیلئے سکیورٹی انتظامات کا جائزہ لینے کیلئے زمبابوے کرکٹ بورڈ کا چار رکنی وفد لاہور پہنچ گیا ہے۔ وفد پاکستان میں زمبابوے ٹیم کے متوقع دورہ کیلئے جائزہ رپورٹ تیار کرے گا۔
سکیورٹی وفد کی کلیئرنس کے بعد ہی زمبابوے کی کرکٹ ٹیم پاکستان کا دورہ کرے گی۔ وفد پاکستان میں اپنے قیام کے دوران پی سی بی حکام سے ملاقاتیں اور قذافی سٹیڈیم میں سکیورٹی انتظامات کا جائزہ اور بریفنگ بھی لے گا۔
وفد کی لاہور آمد کے موقع پر ایئرپورٹ اور اطراف میں سکیورٹی کے سخت انتظامات کئے گئے۔
