زلزلے کے بعد نقصان ، ریسکیو آپریشن کی تفصیلات جاری

اسلام آباد (92 نیوز) این ڈی ایم اے کی جانب سے زلزلے کے بعد نقصان اورریسکیو آپریشن کی تفصیلات جاری کردی گئیں۔ این ڈی ایم اے کے مطابق بھمبر میں منڈا پل تباہ ہوا جبکہ جاتلہ روڈ ٹوٹ گئی جبکہ میرپور اور کوٹلی کے علاقوں میں بجلی کا نظام بری طرح سے متاثر ہوا۔ مزید بتایا گیا کہ این ڈی ایم اے ریسپانس آپریشن میں 200 ٹینٹ، 800 کمبل سمیت دیگر امدادی سامان بھجوا دیا گیا، ریسکیو آپریشن کیلئے پی ڈی ایم اے پنجاب کی 20 ایمبولینسز اور 6 ریسیکیو گاڑیاں شامل ہیں۔